Entertainment : ચાર દિવસથી કોઈ પત્તો નથી મળ્યો તારક મહેતા સીરિયલના આ કલાકારનો

તારક મહેતા કા ઉલ્ટા ચશ્મા શોના પ્રખ્યાત અભિનેતા ગુરુચરણ સિંહ 22 એપ્રિલથી ગુમ થયાના સમાચાર સામે આવી રહ્યા છે. રોશન સિંહ સોઢીનું પાત્ર ભજવીને પ્રખ્યાત થયેલા એક્ટર ગુરુચરણ સિંહ છેલ્લા 4 દિવસથી ગાયબ છે. હવે તેના પરિવારે આ વાતની પુષ્ટિ કરી છે.

પિતાએ ગુમ થયાની ફરિયાદ નોંધાવી હતી :

ગુરચરણ સિંહના ગુમ થવાના સમાચાર સાંભળીને તેના ચાહકો ચોંકી ગયા છે. આ સમાચાર સાંભળીને તેના ચાહકો ખૂબ જ નિરાશ થયા છે. અભિનેતાના ગુમ થયાની ફરિયાદ પણ નોંધવામાં આવી છે. જો મીડિયા રિપોર્ટ્સનું માનીએ તો ચાર દિવસથી તેમના વિશે કોઈના તરફથી કોઈ સમાચાર આવ્યા નથી. તેનો ફોન પણ પહોંચતો નથી. હવે ગુરુચરણ સિંહના પિતાએ તેમના પુત્રના ગુમ થયાની રિપોર્ટ નોંધાવતા કહ્યું કે તેઓ સોમવારે દિલ્હીથી મુંબઈ એરપોર્ટ જવા માટે ઘરેથી નીકળ્યા હતા.

પિતાની તબિયતને કારણે શો છોડી દીધો હતો :

 તમને જણાવી દઈએ કે ગુરુચરણ સિંહ છેલ્લે ટીવી શો ‘તારક મહેતા કા ઉલ્ટા ચશ્મા’માં રોશન સિંહ સોઢીના રોલમાં જોવા મળ્યા હતા. તેણે તેના પિતાની તબિયતની સમસ્યાને ટાંકીને ટીવી શો છોડી દીધો હતો. તેણે કહ્યું કે તે પોતાનો બધો સમય પોતાના પરિવાર પર કેન્દ્રિત કરવા માંગે છે.