ICC મહિલા વિશ્વ કપ 2022: ઓસ્ટ્રેલિયાએ પાકિસ્તાનને 7 વિકેટે હરાવ્યું

ઓસ્ટ્રેલિયાની વિકેટકીપર બેટ્સમેન એલિસા હેલીના શાનદાર 72 રનની મદદથી ઓસ્ટ્રેલિયાએ ICC વર્લ્ડ કપમાં પાકિસ્તાનને 7 વિકેટે હરાવ્યું હતું. ટૂર્નામેન્ટમાં ઓસ્ટ્રેલિયાની આ બીજી જીત છે જ્યારે પાકિસ્તાનની ટીમની આ બીજી હાર છે. ICC વર્લ્ડ કપમાં  બે-ઓવલ ખાતે રમાયેલી મેચમાં ટોસ હારીને પ્રથમ બેટિંગ કરવા ઉતરેલી પાકિસ્તાનની ટીમે 50 ઓવરમાં 6 વિકેટે 190 રન બનાવ્યા હતા.

પાકિસ્તાનના માત્ર બે જ ખેલાડીઓ ટકી શક્યા

ICC વર્લ્ડ કપમાં પાકિસ્તાન તરફથી કેપ્ટન બિસ્માહ  મારુફે 78 રન બનાવ્યા જ્યારે ઈલિયા રિયાઝે 53 રન બનાવ્યા. આ બંને સિવાય કોઈ પણ બેટ્સમેન ઓસ્ટ્રેલિયન બોલિંગ સામે કંઈ ખાસ કરી શક્યું ન હતું.
ઓસ્ટ્રેલિયાએ ICC વર્લ્ડ કપમાં આ ટાર્ગેટ સરળતાથી હાંસલ કરી લીધો હતો

ઓસ્ટ્રેલિયાએ સરળતાથી ટાર્ગેટ હાંસલ કર્યો

191 રનના ટાર્ગેટનો પીછો કરવા ઉતરેલી ઓસ્ટ્રેલિયન ટીમે એલિસા હીલીની શાનદાર બેટિંગના આધારે 35મી ઓવરમાં 3 વિકેટ ગુમાવીને આ ટાર્ગેટ સરળતાથી હાંસલ કરી લીધો હતો. હેલી ઉપરાંત મેગ લેનિંગે 35 અને રશેલ હેન્સે 34 રન બનાવ્યા હતા. ઓસ્ટ્રેલિયા તેની આગામી મેચ 13 માર્ચે ન્યૂઝીલેન્ડ સામે રમશે જ્યારે પાકિસ્તાન તેની મેચ 11 માર્ચે દક્ષિણ આફ્રિકા સામે રમશે. કોઈ પણ સંજોગોમાં પાકિસ્તાને તેની આગામી મેચ જીતવી પડશે.

આ પણ વાંચી શકો Flipkart Big Saving Days : 12 માર્ચથી શરૂ થશે, જુઓ ઑફર્સ અને ડીલ્સ 

આ પણ વાંચી શકો : VVPAT પર સુપ્રીમ કોર્ટમાં પિટિશન:આવતીકાલે સુનાવણી