Business News Update
ਇੰਡੀਆ ਨਿਊਜ਼, ਨਵੀਂ ਦਿੱਲੀ: ਸੈਂਸੈਕਸ ਦੀਆਂ ਚੋਟੀ ਦੀਆਂ 10 ਕੰਪਨੀਆਂ ਵਿੱਚੋਂ 4 ਦਾ ਬਾਜ਼ਾਰ ਪੂੰਜੀਕਰਣ ਪਿਛਲੇ ਹਫ਼ਤੇ ਵਿੱਚ 2,31,320.37 ਕਰੋੜ ਰੁਪਏ ਵਧਿਆ ਹੈ। ਇਨ੍ਹਾਂ ਵਿਚ ਰਿਲਾਇੰਸ ਇੰਡਸਟਰੀਜ਼ ਸਭ ਤੋਂ ਜ਼ਿਆਦਾ ਮੁਨਾਫਾ ਕਮਾਉਣ ਵਾਲੀ ਕੰਪਨੀ ਹੈ। ਰਿਲਾਇੰਸ ਇੰਡਸਟਰੀਜ਼ ਤੋਂ ਇਲਾਵਾ ਟਾਟਾ ਕੰਸਲਟੈਂਸੀ ਸਰਵਿਸਿਜ਼, ਇਨਫੋਸਿਸ ਅਤੇ ਆਈਸੀਆਈਸੀਆਈ ਬੈਂਕ ਦਾ ਮਾਰਕੀਟ ਕੈਪ ਵਧਿਆ ਹੈ।
ਜ਼ਿਕਰਯੋਗ ਹੈ ਕਿ ਬੀਐੱਸਈ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਪਿਛਲੇ ਹਫ਼ਤੇ 884.57 ਅੰਕ ਜਾਂ 1.61 ਫ਼ੀਸਦੀ ਵਧਿਆ ਹੈ। ਪਰ ਇਸ ਦੌਰਾਨ ਕਈ ਕੰਪਨੀਆਂ ਦੀ ਮਾਰਕੀਟ ਪੂੰਜੀ ਵੀ ਘਟੀ ਹੈ। ਇਨ੍ਹਾਂ ਵਿੱਚ HDFC ਬੈਂਕ, ਹਿੰਦੁਸਤਾਨ ਯੂਨੀਲੀਵਰ, ਜੀਵਨ ਬੀਮਾ ਨਿਗਮ (LIC), ਸਟੇਟ ਬੈਂਕ ਆਫ਼ ਇੰਡੀਆ (SBI), HDFC ਅਤੇ ਭਾਰਤੀ ਏਅਰਟੈੱਲ ਸ਼ਾਮਲ ਹਨ। ਇਨ੍ਹਾਂ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਣ ਸਮੂਹਿਕ ਤੌਰ ‘ਤੇ 68,140.72 ਕਰੋੜ ਰੁਪਏ ਘਟਿਆ ਹੈ।
ਪਿਛਲੇ ਹਫਤੇ ਰਿਲਾਇੰਸ ਇੰਡਸਟਰੀਜ਼ ਦਾ ਬਾਜ਼ਾਰ ਮੁਲਾਂਕਣ 1,38,222.46 ਕਰੋੜ ਰੁਪਏ ਦੇ ਮੁਨਾਫੇ ਦੇ ਨਾਲ 18,80,350.47 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਸੀ। ਟੀਸੀਐਸ ਦਾ ਬਾਜ਼ਾਰ ਮੁੱਲ 64,618.85 ਕਰੋੜ ਰੁਪਏ ਵਧ ਕੇ 12,58,274.59 ਕਰੋੜ ਰੁਪਏ ਅਤੇ ਇਨਫੋਸਿਸ ਦਾ ਬਾਜ਼ਾਰ ਮੁੱਲ 25,728.52 ਕਰੋੜ ਰੁਪਏ ਵਧ ਕੇ 6,40,373.02 ਕਰੋੜ ਰੁਪਏ ਹੋ ਗਿਆ। ਇਨ੍ਹਾਂ ਤੋਂ ਇਲਾਵਾ ICICI ਬੈਂਕ ਦਾ ਬਾਜ਼ਾਰ ਪੂੰਜੀਕਰਣ 2,750.54 ਕਰੋੜ ਰੁਪਏ ਵਧ ਕੇ 5,17,049.46 ਕਰੋੜ ਰੁਪਏ ਹੋ ਗਿਆ ਹੈ।
ਇਸ ਦੇ ਉਲਟ ਭਾਰਤੀ ਏਅਰਟੈੱਲ ਦਾ ਮਾਰਕੀਟ ਕੈਪ 25,955.25 ਕਰੋੜ ਰੁਪਏ ਘਟ ਕੇ 3,76,972.75 ਕਰੋੜ ਰੁਪਏ ਰਹਿ ਗਿਆ। ਦੂਜੀ ਸਭ ਤੋਂ ਵੱਡੀ ਘਾਟੇ ਵਾਲੀ ਕੰਪਨੀ ਜੀਵਨ ਬੀਮਾ ਨਿਗਮ (LIC) ਸੀ। LIC ਦਾ ਮੁਲਾਂਕਣ 13,472.25 ਕਰੋੜ ਰੁਪਏ ਦੇ ਘਾਟੇ ਨਾਲ 5,06,157.94 ਕਰੋੜ ਰੁਪਏ ‘ਤੇ ਆ ਗਿਆ।
ਇਨ੍ਹਾਂ ਤੋਂ ਇਲਾਵਾ HDFC ਦਾ ਬਾਜ਼ਾਰ ਮੁੱਲ 9,355.02 ਕਰੋੜ ਰੁਪਏ ਘਟ ਕੇ 4,13,299.36 ਕਰੋੜ ਰੁਪਏ ਰਹਿ ਗਿਆ। ਜਦਕਿ ਹਿੰਦੁਸਤਾਨ ਯੂਨੀਲੀਵਰ ਦੀ ਮਾਰਕੀਟ ਸਥਿਤੀ 8,963.69 ਕਰੋੜ ਰੁਪਏ ਦੀ ਗਿਰਾਵਟ ਨਾਲ 5,38,561.56 ਕਰੋੜ ਰੁਪਏ ‘ਤੇ ਆ ਗਈ। HDFC ਬੈਂਕ ਦਾ ਬਾਜ਼ਾਰ ਮੁੱਲ 6,199.94 ਕਰੋੜ ਰੁਪਏ ਘਟ ਕੇ 7,66,314.71 ਕਰੋੜ ਰੁਪਏ ਅਤੇ SBI ਦਾ 4,194.57 ਕਰੋੜ ਰੁਪਏ ਦੇ ਘਾਟੇ ਨਾਲ 4,14,369.71 ਕਰੋੜ ਰੁਪਏ ਹੋ ਗਿਆ।
ਸੈਂਸੈਕਸ ਦੀਆਂ ਟਾਪ 10 ਕੰਪਨੀਆਂ ਦੀ ਸੂਚੀ ‘ਚ ਰਿਲਾਇੰਸ ਇੰਡਸਟਰੀਜ਼ ਪਹਿਲੇ ਸਥਾਨ ‘ਤੇ ਰਹੀ। ਇਸ ਤੋਂ ਬਾਅਦ ਕ੍ਰਮਵਾਰ TCS, HDFC ਬੈਂਕ, Infosys, ਹਿੰਦੁਸਤਾਨ ਯੂਨੀਲੀਵਰ, ICICI ਬੈਂਕ, LIC, SBI, HDFC ਅਤੇ ਭਾਰਤੀ ਏਅਰਟੈੱਲ ਦਾ ਨੰਬਰ ਆਉਂਦਾ ਹੈ।
ਇਹ ਵੀ ਪੜੋ : IIF2022 ਵਿੱਚ ਜੈਕਲੀਨ ਫਰਨਾਂਡੇਜ਼ ਦਾ ਹੌਟ ਅੰਦਾਜ
ਸਾਡੇ ਨਾਲ ਜੁੜੋ : Twitter Facebook youtube
Get Current Updates on, India News, India News sports, India News Health along with India News Entertainment, and Headlines from India and around the world.
