ਸਕੂਲ ਦੇ ਸਥਾਪਨਾ ਦਿਵਸ ਮੌਕੇ ਬੱਚਿਆਂ ਨਾਲ ਕੇਕ ਕੱਟਦੇ ਹੋਏ ਪ੍ਰਿੰਸੀਪਲ ਸਿਮਰਨਜੀਤ ਕੌਰ।
India News (ਇੰਡੀਆ ਨਿਊਜ਼), Foundation Day of St. Joseph’s School, ਚੰਡੀਗੜ੍ਹ : 34 ਸਾਲ ਪਹਿਲਾਂ ਮਨੌਲੀ ਸੂਰਤ ਵਰਗੇ ਪੇਂਡੂ ਖੇਤਰ ਵਿੱਚ ਸਿੱਖਿਆ ਦੀ ਰੌਸ਼ਨੀ ਜਗਾਉਣ ਦੇ ਉਦੇਸ਼ ਨਾਲ ਸੇਂਟ ਜੋਸਫ਼ ਸਕੂਲ ਦੀ ਸਥਾਪਨਾ ਕੀਤੀ ਗਈ ਸੀ। ਭਾਵੇਂ ਸ਼ੁਰੂਆਤੀ ਦੌਰ ਮੁਸ਼ਕਲਾਂ ਨਾਲ ਭਰਿਆ ਹੋਇਆ ਸੀ। ਸਕੂਲ ਡਾਇਰੈਕਟਰ ਮੈਡਮ ਕਿਰਨ ਬੈਨਰਜੀ ਦੀ ਸਖ਼ਤ ਮਿਹਨਤ ਅਤੇ ਡਿਪਟੀ ਡਾਇਰੈਕਟਰ ਮੈਡਮ ਆਸ਼ਿਮਾ ਕਿਰਨ ਬੈਨਰਜੀ ਦੀ ਯੋਗ ਅਗਵਾਈ ਸਦਕਾ ਸੇਂਟ ਜੋਸਫ਼ ਸਕੂਲ ਨੇ ਨਾਮਣਾ ਖੱਟਿਆ ਹੈ। ਸੇਂਟ ਜੋਸਫ ਸਕੂਲ ਮਨੋਲੀ ਸੂਰਤ ਦਾ 34ਵਾਂ ਸਥਾਪਨਾ ਦਿਵਸ 16 ਅਪ੍ਰੈਲ 2024 ਨੂੰ ਬਹੁਤ ਹੀ ਧੂਮ-ਧਾਮ ਨਾਲ ਮਨਾਇਆ ਗਿਆ।
ਸਕੂਲ ਦੇ ਸਥਾਪਨਾ ਦਿਵਸ ਮੌਕੇ ਬੱਚਿਆਂ ਨਾਲ ਕੇਕ ਕੱਟਦੇ ਹੋਏ ਪ੍ਰਿੰਸੀਪਲ ਸਿਮਰਨਜੀਤ ਕੌਰ।
ਸਕੂਲ ਦੇ ਸਥਾਪਨਾ ਦਿਵਸ ਦਿਨ ਨੂੰ ਮਨਾਉਂਦੇ ਹੋਏ ਬੱਚਿਆਂ ਨੇ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਕੀਤੀਆਂ। ਸੈਕੰਡਰੀ ਵਰਗ ਦੇ ਬੱਚਿਆਂ ਨੇ ਸਕੂਲ ਪ੍ਰਤੀ ਆਪਣੇ ਪਿਆਰ ਅਤੇ ਸਨੇਹ ਨੂੰ ਦਰਸਾਉਂਦੇ ਹੋਏ ਸਕੂਲ ਅਸੈਂਬਲੀ ਵਿੱਚ ਗੀਤ, ਕਵਿਤਾਵਾਂ ਗਾ ਕੇ, ਡਾਂਸ ਅਤੇ ਕਈ ਤਰ੍ਹਾਂ ਦੀਆਂ ਗਤੀਵਿਧੀਆਂ ਵਿੱਚ ਭਾਗ ਲਿਆ। ਕਿੰਡਰਗਾਰਟਨ ਕਲਾਸਾਂ ਦੇ ਬੱਚਿਆਂ ਵੱਲੋਂ ਕੇਕ ਕੱਟਿਆ ਗਿਆ। ਸਕੂਲ ਦੇ ਸਾਰੇ ਬੱਚਿਆਂ ਨੂੰ ਆਈਸ ਕਰੀਮ ਵੰਡੀ ਗਈ।
ਇਸ ਸਥਾਪਨਾ ਦਿਵਸ ਨੂੰ ਮਨਾਉਣ ਮੌਕੇ ਡਿਪਟੀ ਡਾਇਰੈਕਟਰ ਆਸ਼ਿਮਾ ਕਿਰਨ ਬੈਨਰਜੀ ਨੇ ਬੱਚਿਆਂ ਨੂੰ ਕਈ ਨੈਤਿਕ ਕਦਰਾਂ-ਕੀਮਤਾਂ ਜਿਵੇਂ ਸਹੀ ਮਾਰਗ ‘ਤੇ ਚੱਲਣਾ, ਬਜ਼ੁਰਗਾਂ ਦਾ ਸਤਿਕਾਰ ਕਰਨਾ, ਲੋੜਵੰਦਾਂ ਦੀ ਮਦਦ ਕਰਨਾ ਆਦਿ ਗੱਲਾਂ ਦੱਸੀਆਂ। ਉਨ੍ਹਾਂ ਨੂੰ ਆਪਣੇ ਜੀਵਨ ਵਿੱਚ ਕੁਝ ਪ੍ਰਾਪਤ ਕਰਨ ਅਤੇ ਆਪਣੇ ਪਰਿਵਾਰ, ਸਕੂਲ ਅਤੇ ਦੇਸ਼ ਦਾ ਨਾਮ ਰੌਸ਼ਨ ਕਰਨ ਲਈ ਪ੍ਰੇਰਿਤ ਕੀਤਾ। ਸਕੂਲ ਦੀ ਮੁੱਖ ਅਧਿਆਪਕਾ ਸਿਮਰਨਜੀਤ ਕੌਰ ਨੇ ਬੱਚਿਆਂ ਨੂੰ ਪੜ੍ਹਾਈ ਪ੍ਰਤੀ ਸੁਚੇਤ ਰਹਿਣ ਅਤੇ ਆਪਣੇ ਸਕੂਲ ਨਾਲ ਸਨੇਹ ਨਾਲ ਜੁੜੇ ਰਹਿਣ ਆਦਿ ਕਈ ਵੱਡਮੁੱਲੀ ਗੱਲਾਂ ਦੱਸੀਆਂ।
Get Current Updates on, India News, India News sports, India News Health along with India News Entertainment, and Headlines from India and around the world.
